မြစ်ကြီးနားတက္ကသိုလ်၊ မြန်မာစာဌာနသည် ဧရာဝတီအဆောင် (၃) တွင်တည်ရှိပါသည်။ ယခင်ဒီဂရီ ကောလိပ်အဆင့်တွင် မြန်မာစာဌာနသည် ပင်မဆောင်အပေါ်ထပ်တွင် တည်ရှိခဲ့ပါသည်။ မြစ်ကြီးနားကောလိပ်၊ ကချင်ပြည်နယ်ဒေသကောလိပ်၊ မြစ်ကြီးနားဒီဂရီကောလိပ်၊ မြစ်ကြီးနားတက္ကသိုလ်ဟူ၍ အဆင့်ဆင့်တိုးမြှင့်လာခဲ့ ပြီးနောက် ယခုအချိန်အထိ ကထိက(ဌာနမှူး)၊ ပါမောက္ခ၊ ပါမောက္ခ(ဌာနမှူး) အဆက်ဆက်တို့က မြန်မာစာဌာန တိုးတက်ရေးအတွက် စွမ်းစွမ်းတမံ၊အားသွန်ခွန်စိုက် ကြိုးပမ်းဆောင်ရွက်ခဲ့ကြပါသည်။ ဆရာကြီးဦးတင်မြင့်၊ ဆရာကြီး ဦးဝင်းမောင်၊ ဆရာကြီးဦးတင်ထွန်း၊ ဆရာမကြီးဒေါ်ခင်သိန်း၊ ဆရာမကြီးဒေါက်တာချိုမာလာ၊ ဆရာမကြီး ဒေါက်တာနွယ်နီတင်၊ ဆရာမကြီးဒေါက်တာတူးတူး၊ ဆရာကြီးဒေါက်တာဆန်းထွန်း၊ ဆရာမကြီးဒေါက်တာမေမျိုးလှနှင့် ယခုလက်ရှိ ပါမောက္ခ ၊ဌာနမှူး ဒေါက်တာလှအောင် တို့သည် မြန်မာစာပေ၊ မြန်မာစကား၊ မြန်မာ့ယဉ်ကျေးမှု တိုးတက်မြင့်မားလာစေရန် ဦးဆောင်ကြိုးပမ်းဆောင်ရွက်ပေးခဲ့ကြသည့်အတွက် မြန်မာစာဂုဏ်ရောင်ထွန်းပြောင် ခဲ့ပါသည်။ ဆရာမကြီးဒေါက်တာမေမျိုးလှ လက်ထက်တွင် နေရာကျဉ်းသည့် ယခင်ဌာနဟောင်းမှ ယခုဧရာဝတီ အဆောင်(၃)သို့ပြောင်းရွှေ့ခဲ့ပြိး မြန်မာစာဌာနစာကြည့်တိုက်၊ မြန်မာစာပြခန်းတို့ကို အသစ်တိုးမြှင့်ဖွင့်လှစ်ပေးနိုင် ခဲ့ပါသည်။