မြစ်ကြီးနားတက္ကသိုလ် သမိုင်းအကျဉ်းချုပ်

မြစ်ကြီးနားတက္ကသိုလ်သည် (၁၅.၇.၁၉၆၃) ခုနှစ်တွင် မြစ်ကြီးနားဥပစာကောလိပ် အမည်ဖြင့် စတင်မွေးဖွားလာခဲ့သည်။ (၂၅.၅.၁၉၇၇) ခုနှစ်တွင် မြစ်ကြီးနားဒေသကောလိပ်သို့ တိုးမြှင့်လာခဲ့သည်။ (၁.၄.၁၉၈၀) ခုနှစ်တွင် မြစ်ကြီးနားကောလိပ်အဖြစ် ပြောင်းလဲခဲ့သည်။ (၁၂.၂.၁၉၈၆) ခုနှစ်တွင် မြစ်ကြီးနားဒီဂရီကောလိပ်သို့ တိုးမြှင့်ခဲ့သည်။ (၂၀.၂.၁၉၉၈) ခုနှစ်တွင် မြစ်ကြီးနားတက္ကသိုလ်အဖြစ် တိုးမြှင့်ခဲ့ပါသည်။ မြစ်ကြီးနားတက္ကသိုလ်၏ အကျယ်အဝန်းမှာ (၂၂၀.၇၈၈) ဧကကျယ်ဝန်းပြီး မြစ်ကြီးနားမြို့နယ် ၊ စီတာပူရပ်ကွက်တွင် တည်ရှိပါသည်။

thekachin
ရည်ရွယ်ချက်
လက်တွေ့သင်ကြားသင်ယူမှု ဝန်းကျင်ကောင်းများနှင့် ၊ သက်ဆိုင်ရာဘာသာရပ်အလိုက် သုတေသနပြုလုပ်မှုများမှ တဆင့် နိုင်ငံတကာအဆင့်မီသော တက္ကသိုလ်တစ်ခု ဖြစ်ပေါ်လာစေရန် ဖြစ်ပါသည်။
Myitkyina University’s history timeline
လုပ်ငန်းတာဝန်များ
  • (၁) ထိရောက်သော သင်ကြားသင်ယူမှု စနစ်ဖန်တီးရန်
  • (၂) လူမျိုး ၊ ဘာသာ ၊ လိင် ခွဲခြားမှု မရှိဘဲ ပညာသင်လိုစိတ်ရှိသော မည်သူမဆို လွတ်လပ်စွာ ပညာသင်နိုင်သည့် ဝန်းကျင်ကောင်းဖန်တီးရန်
  • (၃) ပညာရေးနှင့် ပတ်သက်၍ ပြည်တွင်း ၊ ပြည်ပ အဖွဲ့အစည်းများနှင့် ပူးပေါင်းမှုများ တိုးမြှင့်ဆောင်ရွက်ရန်
  • (၄) သက်ဆိုင်ရာပညာရပ် နယ်ပယ်အလိုက် အသိပညာ ၊ အတတ်ပညာများနှင့် ပြည့်ဝသော ကျောင်းသားလူငယ်များ မွေးထုတ်ပေးရန်
  • (၅) ဒေသအကျိုးပြု အသုံးချသုတေသနများ ပေါ်ထွက်လာစေရန်
  • (၆) မိမိတို့ဒေသ၏ ယဉ်ကျေးမှုအမွေအနှစ်များကို တန်ဖိုးထား ထိန်းသိမ်းတတ်သူများအဖြစ် လေ့ကျင့်မွေးထုတ်ပေးရန်
  • (၇) ဒေသဖွံ့ဖြိုးတိုးတက်ရေးအတွက် အရေးပါသော ပြည်တွင်းပြည်ပ သက်မွေးပညာသင်ကျောင်းများနှင့် ချိတ်ဆက်နိုင်ရေးကို အကောင်အထည်ဖော် ဆောင်ရွက်ရန်
မျှော်မှန်းချက်
စဉ်ဆက်မပြတ် တိုးတက်ပြောင်းလဲနေသော အဆင့်မြင့်ပညာရေးမှတဆင့် လူ့ဘောင်အဖွဲ့အစည်းက အစဉ်အားကိုး တန်ဖိုးထားရသော နိုင်ငံ့သားကောင်းများ ပေါ်ထွန်းလာရန် ဖြစ်ပါသည်။